Zenbait sektoretan material aurreratuak aplikatzea erronka handia da industriaren lehiakortasuna eta garapen jasangarria hobetzeko.

Material aurreratuak elementu gakoak dira balio erantsi handiko fabrikazioaren hornikuntza-katean. Zeharkako arlo teknologikoetan (besteak beste, osasunaren teknologiak, bizitzaren zientziak, elektronika eta fotonika) eta merkatuko ia sektore guztietan aurrera egiteko oinarri ere badira.

Material berriak diseinatzean, bizi-ziklo osoa sartzen da, hots, materialak hornitzen direnetik haien balio-bizitza amaitzen den arte; horren helburua da haiek eraldatzeko behar diren baliabideak murriztea eta gizarte- eta ingurumen-inpaktua minimizatzea.

 Material aurreratuak material-mota guztien barruan sartzen dira, eta honela sailkatu daitezke:

• Metalezko materialak
• Prestazio handiko polimeroak
• Material zeramiko aurreratuak
• Material konposatuak
• Biomaterialak.

Material aurreratuetan berrikuntzak eginez gero, prozesu eta produktu errentagarriagoak eta ingurumena gehiago errespetatzen dutenak garatu ahal izango dira.

Dokumentu-biltegi honen asmoa da material aurreratuei buruzko erreferentziazko dokumentuak biltzea, guzti-guztiak ez bada ere.