Teslak Ozeano Bareko uharte baten eskari elektriko osoari erantzun dio eguzki-energiaz.

30.11.2016

Teslak erosi duen SolarCity enpresak eguzki-energia bidezko sare elektriko bat instalatu du Ta'u uhartean, 1,4 MW-eko potentzia eta hiru eguneko energia-erreserbak dituena.

Orain arte, hango 600 herritarrak sorgailu elektrikoen mende zeuden; diesel erregaia iritsi zain egoten ziren elektrizitatea edukitzeko, eta hornidura ez zegoen beti bermatuta. SolarCityk eta Teslak tokiko sare elektriko bat garatu dute nagusiki eguzki-energian oinarritua, eta uhartearen energia-eredua zeharo aldatu dute.