Urola Kostako Udal Elkarteak bat egin du Foru Aldundiaren ekimenarekin (Adimen Lehiakorra), eta programa bat garatzen ari da Adi Urola Kosta! lelopean.

19.05.2016

Urola Kostako Udal Elkartea adimen lehiakorrari buruzko programa bat garatzen ari da, eskualdeko ETE-etan adimen lehiakorraren erabilera sustatzeko.

Proiektuaren helburua da eskualdeko enpresak adimen lehiakorrari buruz sentsibilizatzea eta adimen lehiakorreko sistemak ezartzeko aholkularitza eta laguntza eskaintzea.

Apiriletik dihardute proiektuan lanean, eta 2016ko ekainean bukatuko da.  "Adi Urola Kosta!" programaren aurkezpena, berriz, joan den martxoan egin zen.

Programan parte hartzen duten enpresek trebakuntza-ziklo bat egin dute (bost saio, apirilean), eta orain, enpresa bakoitzak bost saio pertsonalizatu izango ditu, landutako edukiak beren enpresan aplikatzeko.