Gailu elektronikoen potentzia eta miniaturizazioa gero eta gehiago handitzea da gaur egungo joera, eta, horren ondorioz, beroa eraginkortasunez kudeatzea ezinbesteko bihurtu da haien fidagarritasuna eta errendimendua ziurtatzeko. Galio nitruroak oso aukera handiak ditu potentzia eta tenperatura altuko aplikazioetan erabilia izateko, hala nola etengabeko elikadura-sistemetan, motorretan, eguzki-transformadoreetan eta ibilgailu hibridoetan. Rice Unibertsitateko (Estatu Batuak) zientzialari batzuen arabera, grafenoa duten gainazal irregular jakin batzuek lagundu dezakete beroa barreiatzen gailu mikroelektronikoen hurrengo belaunaldian.