Gobernuak 78 milioi bideratu ditu 'hiri adimendunak" sustatzeko laguntzetara

27.07.2015

Lehen lerroak, zeina 2014ko Hiri Adimendunen I. Deialdiaren jarraipena baita, 48 milioi euroko aurrekontua du, eta 20.000 biztanle baino gehiagoko Espainiako tokiko edozein erakundek eta probintzia bakarreko autonomia-erkidegoek balia dezakete.

Aurkezten diren ekimenek industria sustatu behar dute, aurrezki neurgarriak eta denboran finkatuak ekarri behar dituzte, eta irisgarritasuna, zerbitzu publikoen eraginkortasuna eta abar hobetu behar dituzte.

Red.es erakunde publikoak proiektu onuradunek aurreikusitako jardueren % 80 finantzatuko du gehienez. Eta 8 milioi euroko aurrekontu maximoa izango dute jarduerok.

Bestetik, 'Uharte adimendunak' programak 30 milioi euroko aurrekontua du, eta Balearretako edo Kanarietako edozein uharteetako lurralde osoan zerbitzu publikoak kudeatzen dituzten administrazio guztiek balia dezakete.

Bigarren lerro horrek ekimenok finantzatzea du helburu: uharte adimendunen estrategia integratzen dutenak, lurraldeko zerbitzu publikoak hobetzen laguntzen dutenak eta, IKTak erabiliz, uhartetasunaren efektu negatiboak arintzen lagunduko dutenak. Ekimen bakoitzaren gehienezko aurrekontua 10 milioi euro da, eta Red.es erakundeak finantzatuko du % 100.