3D inprimagailuetarako material bat garatu dute, grafenoan oinarrituta

07.07.2015

PLA termoplastikoz eta nanoeskalako karbonozko materialez osatuta dago material berria.

Baldintza hauek betetzen dituen edozein 3D inprimagailutan erabil daiteke: 170 edo 175 °C-ko tenperaturan estrusio bidez filamentua lantzeko gai izan behar du, eta plataformak ez du 50 °C-ko tenperatura gainditu behar minutuko 1.800 mm-ko inprimatze-abiadura gomendatuan eta 0,5 mm baino handiagoko pita erabiliz.

Material horrek moldakortasun handia du 3D inprimagailuekin edozer motatako elementu elektronikoak sortzeko. Teklatu digitaletan, ukipen-paneletan edo joko-kontrolatzaileetan gertutasuna, kokapena edo azelerazioa, besteak beste, erregistratzeko sentsore kapazitiboak fabrikatzeko erabil daiteke, adibidez.