Koloretako paper elektroniko malgua

23.11.2016

Mikrometro bat baino gutxiagoko lodiera duen “paper” elektroniko malgu berri baten abiapuntua lortu da. Paper horrek LED pantaila arrunt batek erakusten dituen kolore berak ditu, eta Kindle tableta batek baino hamar aldiz energia gutxiago behar du.

Gainera, pantaila estandar bat bezala argiztatzen ez denez, oso ongi funtzionatzen du argi distiratsua dagoen tokian; adibidez, eguzkipean. Ez da halakorik gertatzen LED pantailekin, ikusgaitasun hobea baitute inguru-argiztapen gutxiko edo inguru-argiztapenik gabeko tokietan.