Anemiaren eta odoleko beste gaixotasun batzuen detekzioa orratzik erabili gabe

19.10.2016

Mundu osoko ospitaleetan, odola maiz atera behar izaten zaie leuzemia eta beste arazo batzuk dituzten haurrei eta helduei, odol-transfusiorik behar duten jakiteko.

AEBko Seattle hiriko Washingtongo Unibertsitateko Elektronikako eta Konputazioko ingeniari-talde batek, Edward Wang buru duela, HemaApp aplikazioa garatu du. Telefono adimendunaren (smartphone) kamera bat erabiltzen du taldeak, hemoglobina-kontzentrazioak kalkulatzeko eta anemia duten ala ez jakiteko.

Hasierako proba 31 pazienterekin egin zuten, telefono adimendunean aldaketa bakar bat eginda.

HemaApp-ek, telefonoko kameraren flashetik pazientearen hatzera argia bidaliz, ezaugarri kromatikoak aztertzen ditu, ikusteko odolaren xehetasunak nolakoak diren eta hemoglobina-kontzentrazioak kalkulatzeko.