Gaixotasun arraroen kontrako botikak egiteko enpresa bat sortu du CIC bioGUNEk

10.10.2016

CIC bioGUNEk, arrisku-kapitaleko CRB Inverbío-k, Kereon Partners-ek eta zenbait inbertitzaile pribatuk sortu dute Atlas Molecular Pharma enpresa, jatorri metabolikoko gaixotasun arraro batzuen kontrako botikak sortzeko; besteak beste, Porfiria eta Creutzfeldt-Jakoben gaixotasunen aurkakoak.

Enpresa-ekimen horren helburua hau da: txaperona farmakologikoak hautemateko plataforma teknologiko bat garatzea, hau da, gaixotasun arrarotzat jotzen diren patologien garapenean esku hartzen duten entzimak aldatzeko eta haiei egonkortasuna emateko gaitasuna duten molekula selektiboak hautemateko plataforma.